„Það var fyrst og fremst þolinmæði," sagði Rúnar Páll Sigmundsson, þjálfari Stjörnunnar, aðspurður að því hvað það var sem skóp sigurinn gegn Fylki í Pepsi-deildinni í kvöld. „Við erum að mæta góðu liði Fylkis og þetta var erfitt."
Lestu um leikinn: Fylkir 0 - 2 Stjarnan
„Við fengum ágætis færi til að klára leikinn fyrr, en Halli varði líka frábært færi hjá Fylki í seinni hálfleik. Í staðinn fyrir að lenda undir þá hélt hann okkur inn í leiknum, varslan kveikti í okkur."
Guðmundur Steinn Hafsteinsson kom inn á sem varamaður og skoraði bæði mörkin fyrir Stjörnuna.
„Ég sagði ekki neitt við hann, bara fara inn á og leggja sig fram - gera gott fyrir liðið. Hans hlutverk er að skoða mörk og hann stendur sig vel í því hlutverki."
Elís Rafn Björnsson, leikmaður Fylkis, fékk að líta rauða spjaldið eftir 70 mínútur og það var ákveðinn vendipunktur í leiknum. „Mér fannst að pjúra rautt spjald."
„Ég held að þetta hafi ekki verið viljandi gert, en þetta var "brútal" brot. Elís er ekki þessi týpa samt."
Viðtalið er í heild sinni hér að ofan.
Athugasemdir