Úrslitaleikur Mjólkurbikarsins á morgun
Stjarnan og Breiðablik mætast í úrslitum Mjólkurbikars kvenna á Laugardalsvelli klukkan 19:15 annað kvöld. Þetta er fjórði bikarúrslitaleikur Stjörnunnar á síðustu fimm árum.
„Þetta er alltaf jafn skemmtilegt. Það er gaman að taka þátt í þessum viðburði," sagði Ólafur Þór Guðbjörnsson, þjálfari Stjörnunnar, við Fótbolta.net.
„Þetta er alltaf jafn skemmtilegt. Það er gaman að taka þátt í þessum viðburði," sagði Ólafur Þór Guðbjörnsson, þjálfari Stjörnunnar, við Fótbolta.net.
Smelltu hér til að kaupa miða á leikinn
Breiðablik vann báða leiki liðanna í Pepsi-deildinni í sumar.
„Þessi leikur snýst ekki um að hefna sín á Breiðabliki, þetta snýst um að ná í þennan bikar. Við ætlum okkur að ná í þennan bikar. Þetta verður hörkuskemmtilegur leikur. Breiðablik er með flott lið. Við þurfum að hugsa um okkur og þetta snýst um að mæta og ná í dolluna," sagði Óli en hver er lykillinn að því að vinna Breiðablik?
„Við þurfum að vera skynsöm og loka ákveðnum svæðum á vellinum og nýta færin okkar. Við höfum fengið færi í leikjunum okkar og nýtingin hefur farið skánandi eftir því sem hefur liðið á sumarið. Þessir leikir við Breiðablik ráðast oft á einu marki og fókusinn og skynsemin ræður þessu."
Ólafur vonast eftir góðri mætingu annað kvöld og að áhorfendamet falli jafnvel á bikarúrslitunum. „Ég vona að við verðum nálægt áhorfendametinu eða sláum það. Það gerir þetta skemmtilegra. Ég vona að þetta verði frábær dagur og góð byrjun á Menningarhelginni," sagði Ólafur að lokum.
Horfðu á viðtalið í heild sinni hér að ofan.
Athugasemdir