Víkingur R. er búið að staðfesta lánssamning Kwame Quee sem mun leika fyrir félagið út leiktíðina. Hann er landsliðsmaður Sierra Leone og leikur framarlega á miðjunni.
Kwame kemur að láni frá Blikum þar sem tækifærin hafa verið af skornum skammti. Kwame er búinn að gera eitt mark í einum bikarleik á tímabilinu og hefur einu sinni fengið að spila í Pepsi Max-deildinni.
Hann var upprunalega fenginn til félagsins eftir að hafa staðið sig vel með Víkingi Ólafsvík í Inkasso-deildinni. Þar skoraði hann 14 mörk í 25 leikjum í fyrra.
Hann gæti orðið liðsstyrkur fyrir Víking sem hefur verið að spila skemmtilegan sóknarbolta og leikir liðsins einkennst af taumlausri markaskorun.
Víkingur hefur fengið vængmanninn Kwame Quee að láni út tímabilið frá Breiðablik. Knattspyrnudeild Víkings býður Kwame velkominn í félagið. pic.twitter.com/ki2pMzHS2s
— Víkingur FC (@vikingurfc) June 29, 2019
Athugasemdir