Anna María í leiknum í kvöld.
Anna María Friðgeirsdóttir, fyrirliði Selfyssinga, var kampakát eftir sigur liðsins á KR í úrslitaleik Mjólkurbikarsins í kvöld.
Lestu um leikinn: Selfoss 2 - 1 KR
„Þetta var hörkuleikur og erfiður leikur að spila. Það var mikið rok á vellinum og KR liðið var bara helvíti sterkt," sagði Anna eftir leikinn.
„Mér leið vel síðustu mínúturnar en kannski fyrstu mínúturnar í seinni hálfleik og framlengingu leið okkur ekkert alltof vel. Við vorum að venjast því að spila með rokið í andlitið og þetta var bara helvíti erfitt til að byrja með."
Anna María er fyrirliði liðsins og segir hún það vera heiður.
„Þvílík forréttindi. Ég er þakklát fyrir hvern leik sem ég fæ að leiða liðið mitt út á völlinn."
Selfyssingar ætla að fagna vel í kvöld og Anna María er engin undantekning þar.
„Við sjáumst hinum megin við brúnna," sagði Anna að lokum.
Nánar er rætt við Önnu Maríu í spilaranum hér að ofan.
