Fyrirliði Ægis: Ætlum beint upp
Þorkell Þráinsson, leikmaður Ægis
Þorkell Þráinsson, fyrirliði Ægis, var glaður eftir að liðið tryggði þátttökurétt í 3. deildinni með því að vinna Kormák/Hvöt samanlagt, 4-1.
Ægir féll niður úr 3. deildinni á síðasta ári en Þorkell segir að liðið hafi lagt mikið á sig til að fara aftur upp.
„Að sjálfsögðu. Það var ekkert annað í stöðunni en að fara beint aftur upp en við þurftum að vinna mikið fyrir því og miklu meira þess virði þegar allir leggja allt á sig og við náðum að sækja sigur í dag," sagði Þorkell við Fótbolta.net.
Ægir komst í 2-0 á fyrstu tíu mínútunum í kvöld en hann segir að það hafi verið notalegt að ná í þá forystu.
„Það var auðvitað þægilegra eftir það en þetta var erfitt. Þeir settu pressu á okkur en við héldum vel og sigldum þessu heim. Við ætlum beint aftur upp," sagði hann í lokin.
