Elena er mætt aftur.
Afturelding er að þétta raðirnar fyrir komandi átök í Lengjudeildinni. Katrín Vilhjálmsdóttir er gengin í raðir félagsins og skrifar undir tveggja ára samning.
Katrín er 18 ára sóknarmaður og hefur skorað tíu mörk í tuttugu leikjum fyrir FH og ÍH.
Katrín er 18 ára sóknarmaður og hefur skorað tíu mörk í tuttugu leikjum fyrir FH og ÍH.
Katrín kemur frá FH en hún er uppalin hjá Fjölni. „Katrín er ungur og spennandi leikmaður sem við hlökkum mikið til að þróa áfram í Mosfellsbænum. Katrín hefur komið vel inn í þetta hjá okkur og kemur með mikinn hraða inn í okkar lið," sagði Bjarki Már Sverrisson, einn af þjálfurum Aftureldingar.
Þá greindi félagið á dögunum frá því að Elena Brynjarsdóttir hefði tekið fram skóna á nýjan leik og væri búin að skrifa undir tveggja ára samning.
Elena sem er fædd árið 1998, gekk til liðs við Aftureldingu árið 2020 en hún hafði verið á láni hjà Aftureldingu eitt tímabil þar á undan eða tímabilið 2016.
Elena er fjölhæfur leikmaður sem getur leyst flest allar stöður á vellinum, útsjónarsamur leikmaður, með góða tækni og skot. Hún hefur leikið 117 leiki og skorað 21 mark í öllum keppnum.
Elena tók sér frí eftir magnað tímabil 2021 en hún einbeitti sér þá að tannlæknanámi. Sumarið 2022 hoppaði hún inn síðustu fjóra leikina í Bestu deildinni og er nú mætt aftur!
„Elena er í miklum metum hjá félaginu, hún er sterkur karakter í leikmannahópnum sem og hún er mikilvæg upp á sóknaruppbyggingu liðsins, það er fagnaðarefni að Elena sé mætt aftur og gert tveggja ára samning!” sagði Bjarki Már.
Athugasemdir
