Sindri Kristinn Ólafsson, markvörður Keflvíkinga, er þessa dagana á reynslu hjá Odd Grenland í Noregi. Þetta staðfesti Guðlaugur Tómasson umboðsmaður hans í samtali við Fótbolta.net.
Odd Grenland er í 3. sæti í norsku úrvalsdeildinni, átta stigum á eftir toppliði Molde.
Odd Grenland er í 3. sæti í norsku úrvalsdeildinni, átta stigum á eftir toppliði Molde.
Hinn 22 ára gamli Sindri er uppalinn hjá Keflavík en hann hefur leikið með liðinu alla sína tíð.
Sindri, sem verður samningslaus um miðjan mánuðinn, hefur á ferli sínum spilað 35 leiki í Pepsi-deildinni og 46 leiki í Inkasso-deildinni.
Sindri á einnig 17 leiki að baki með yngri landsliðum Íslands og þar af níu leiki með U21 landsliðinu.
Athugasemdir
