„Mér fannst allt í lagi með þetta, þeir sköpuðu lítið af færum nema bara fyrir klaufaskap, ég gaf þarna sjokking sendingu á Hannes sem þeir fá horn úr. Við fáum varla á okkur færi og svo sýnir Jói bara hversu mikil gæði hann hefur og er frábær."

Kári er ánægður með byrjun undankeppninar og bendir á að leikirnir 2018 voru gegn mjög sterkum þjóðum.

„Jú það bjóst enginn við að við myndum fá stig gegn Frakklandi úti þótt við hefðum auðvitað viljað það. Við skulum líka skoða liðin sem við spiluðum við 2018, þetta eru öll lið sem eru fyrir ofan okkur á heimslistanum. Við vorum með mikil meiðsli og þið sjáið það að þegar Jói er í standi að það er ekki auðvelt að finna staðgengil fyrir hann."

Dómari leiksins var ekki mikið að spjalda menn fyrir seinar tæklingar í dag, Kári sagði þetta var skosk dómgæsla, enda dómarinn skóskur!

„Þetta var skoskur dómari og hann dæmdi þetta svolítið eins og skosku deildina. Hann hefði getað spjaldað þá mun meira og það hefði gert það að verkum að þeir hefðu ekki farið svona seint inn þegar leið á."