„Tilhlökkunin er mikil, það er engin spurning," sagði Freyr Alexandersson, landsliðsþjálfari kvenna, fyrir æfingu liðsins í dag en framundan er risaleikur gegn Þýskalandi í undankeppni HM á laugardag.
Fram að leik verða margir fundir um þýska liðið en Ísland getur með sigri á laugardag tryggt sér sæti á HM í fyrsta skipti.
Fram að leik verða margir fundir um þýska liðið en Ísland getur með sigri á laugardag tryggt sér sæti á HM í fyrsta skipti.
„Það er einn af styrkleikum okkar að vita nákvæmlega hvað andstæðingurinn gerir, hvar við getum meitt hann og hvar við getum notað okkar styrkleika."
Sara Björk Gunnarsdóttir, fyrirliði íslenska liðsins, spilar með Wolfsburg í Þýskalandi og hún hefur meðal annars gefið Frey ráð um liðsfélaga sína þar. „Við Sara tölum alltaf saman og við vitum allt um andstæðingana," sagði Freyr.
Ísland vann Þýskaland 3-2 ytra í fyrra. Þjóðverjar hafa skipt um þjálfara síðan þá og einhverjar mannabreytingar eru einnig.
„Varnarlínan er svolítið breytt en þar eru ekkert endilega betri leikmenn. Það eru leikmenn utan hóps núna sem byrjuðu leik í mars hjá þeim. Breiddin er fáránleg."
„Það eru ákveðin tímamót hjá þeim því þessir risa toppar eru færri en vanalega. Þá er ég ekki að tala um síðasta leik heldur frá því í gamla daga."
Uppselt er á leikinn en það er í fyrsta skipti sem uppselt er á kvennalandsleik á Laugardalsvelli. „Þetta er hrikalega gaman og stór áfangi fyrir íslensku þjóðina og íslenskar íþróttir að fylla stærsta íþróttaleikvang landsins á kvennaleik. Þetta er bara geggjað," sagði Freysi að lokum.
Hér að ofan má sjá viðtalið í heild sinni.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir