Neymar í baráttunni við Edinson Cavani á dögunum
Brasilíski leikmaðurinn Neymar neyddist til að fara af velli á sjöundu mínútu í leik Brasilíu og Kamerún í kvöld.
Neymar er lykilmaður í franska liðinu Paris Saint-Germain en hann er búinn að gera 13 mörk og 7 stoðsendingar í 16 leikjum á tímabilinu.
Hann er í landsliðsverkefni með Brasilíu en hann tryggði 1-0 sigur á Úrgúvæ á dögunum með marki úr vítaspyrnu.
Neymar neyddist þó til þess að fara af velli á 7. mínútu gegn Kamerún í kvöld en hann virtist vinna til í náranum og var því skipt af velli.
Ofurstjarnan reyndi að framkvæmda fyrirgjöf er hann byrjaði að öskra af sársauka og fór af velli stuttu eftir atvikið.
Afar slæmar fréttir fyrir Paris Saint-Germain en liðið á mikilvægan leik gegn Liverpool í næstu viku. Bæði lið berjast um að komast upp úr riðlinum í Meistaradeildinni en Liverpool er með 6 stig á meðan PSG er með 5 stig.
Athugasemdir
