Stjarnan og Þór/KA gerðu markalaust jafntefli í kvöld á Samsung vellinum í Garðabæ. Anna María Baldursdóttir fyrirliði Stjörnunnar sneri til baka eftir tveggja mánaða meiðsli og á hún stóran þátt í því að liðið hélt hreinu í kvöld.
,,Þetta var svona frekar jafnt í fyrrihálfleik fannst mér, svo í seinni sóttu þær aðeins meira en við áttum betri færi fannst mér." sagði Anna María sem taldi þær geta verið sáttar með stigið.
„Það var mjög gott að fá ekki mark á sig en við erum búnar að fá svolítið á okkur núna í seinustu leikjum. Gott að fá bara aftur stig og við getum byggt ofan á það."
,,Þetta var svona frekar jafnt í fyrrihálfleik fannst mér, svo í seinni sóttu þær aðeins meira en við áttum betri færi fannst mér." sagði Anna María sem taldi þær geta verið sáttar með stigið.
„Það var mjög gott að fá ekki mark á sig en við erum búnar að fá svolítið á okkur núna í seinustu leikjum. Gott að fá bara aftur stig og við getum byggt ofan á það."
Lestu um leikinn: Stjarnan 0 - 0 Þór/KA
Það er búið að vera erfitt fyrir Önnu Maríu að fylgjast með á hliðarlínunni í sumar.
„Það var gott að geta komist loksins inn í þetta og tekið góða æfingaviku og byrjað leikinn og ná að klára hann líka. Ég var mjög sátt með það."
Anna María segist vera mjög stíf eftir þessar 90 mínútur. „Ég verð bara í pottinum og í ísbaði næstu daga".
Það var ökklinn sem var að angra Önnu Maríu.
„Þetta gerðist svona 3 vikum fyrir mót en ég hélt ég væri tilbúin í fyrsta leik en svo var ég bara að drepast þar þannig ég þurfti bara að taka 2 mánuði í hvíld og nú held ég að ég sé bara tilbúin í restina."
Stjarnan hefur verið að tefla fram ungum stelpum fram á við og það hefur ekki gengið nógu vel að setja mörk. Anna María telur að þær þurfi bara aðeins að anda og að þetta muni koma hjá þeim.
Næsti leikur Stjörnunnar er gegn KR á þriðjudaginn. Þar stefna þær á 3 stig. „Byggjum ofan á þetta" sagði Anna María að lokum.
Athugasemdir
