Gunnar er búinn að semja við Fram.
Varnarmaðurinn Gunnar Gunnarsson er búinn að skrifa undir samning við Fram, sem leikur í Inkasso-deild karla. Samningurinn gildir til loka árs 2020.
Gunnar gekk í raðir Þróttar R. í vetur, en samningi hans þar var rift í síðasta mánuði.
Gunnlaugur Jónsson fékk hann til Þróttar, en hann var ekki inn í myndinni hjá Þórhalli Siggeirssyni sem tók við af Gunnlaugi og var skilinn eftir utan hóps.
Gunnar og félagið áttu í deilum en leikmanninum var meinað að æfa með liðinu og var hann ósáttur við þá framkomu. Svo skildu leiðir.
Gunnar er 25 ára gamall varnarmaður sem lék með Haukum á síðsta tímabili. Hann lék 21 leik með Haukum á síðasta tímabili í deild og bikar.
„Fram hefur samið við Gunnar Gunnarsson 25 ára gamlan miðvörð. Gunnar mun styrkja liðið í komandi átökum. Samningurinn er til loka árs 2020. Við bjóðum Gunnar velkominn í Fram," segir í tilkynningu Fram á Twitter.
Fram er í þriðja sæti Inkasso-deildarinnar með 17 stig eftir níu leiki. Næsti leikur Fram er gegn Þór á morgun.
Fram hefur samið við Gunnar Gunnarsson 25 ára gamlan miðvörð. Gunnar mun styrkja liðið í komandi átökum. Samningurinn er til loka árs 2020. Við bjóðum Gunnar velkominn í Fram. #FramtíðinErOkkar @Inkassodeildin #fotboltinet pic.twitter.com/aTKfiZt9za
— FRAM knattspyrna (@FRAMknattspyrna) July 4, 2019
Athugasemdir
