Guðmundur Þórarinsson er að ganga í raðir OFI Crete í Grikklandi en Dr. Football greinir frá þessu í kvöld.
Guðmundur, sem er þrítugur, var síðast á mála hjá Álaborg í Danmörku en yfirgaf liðið í sumar.
Hann var í viðræðum við hollenska félagið Twente og fór meðal annars í læknisskoðun hjá félaginu en fór svo á endanum ekki þangað.
Guðmundur er að ganga til liðs við OFI Crete í grísku úrvalsdeildinni á næstu dögum en þetta kemur fram á Twitter-síðu Dr. Football. Eins og nafnið ber með sér spilar liðið á eyjunni Krít en liðið hafnaði í 8. sæti deildarinnar á síðustu leiktíð.
Þá verða Íslendingarnir í deildinni fimm talsins. Sverrir Ingi Ingason spilar með PAOK, Ögmundur Kristinsson með Olympiakos, Hörður Björgvin Magnússon með Panathinaikos og þá gekk Viðar Örn Kjartansson til liðs við Atromitos á dögunum.
Guðmundur Þórarinsson er nýr leikmaður OFI Crete FC í grísku úrvalsdeildinni. Good luck Gudi. Við ræðum í Helgaruppgjörinu á eftir. pic.twitter.com/FmGZYox3oV
— Dr. Football Podcast (@drfootballpod) August 7, 2022
Athugasemdir