„Það var mjög mikilvægt að vinna fyrsta sigur sumarsins og við þurfum bara að byggja ofan á þetta,'' sagði Gunnar Örvar Stefánsson, framherji Magna eftir 3-2 sigur liðsins á Njarðvík í Inkasso deild karla. Gunnar skoraði öll þrjú mörk Magna og var illviðráðanlegur.
Lestu um leikinn: Magni 3 - 2 Njarðvík
Þegar minnst var á þrennuna var Gunnar hógvær: „Já, þetta var helvíti fínt. Ég fékk þrjú færi og þurfti að klára þau''.
„Mér fannst frammistaða liðsins góð, mér fannst við vera með leikinn allan tímann, fyrir utan kannski síðustu 10 mínúturnar þegar við gáfum þeim færi á að breika svolítið á okkur,'' bætti hann við.
Aðspurður hvort að það væri ekki mikilvægt að gera Magna erfiða heim að sækja sagði Gunnar:„Við þurfum að gera það. Við höfum spilað þrjá leiki hérna og gert tvö jafntefli og unnið einn. Við þurufm að byggja ofan á það''
Viðtalið má sjá í heild sinni í spilaranum hér að ofan.
Athugasemdir