Mohamed Salah meiddist í auðveldum sigri Egyptalands gegn Swaziland í undankeppni fyrir Afríkumótið.
Salah haltraði af velli undir lok leiksins en hann skoraði stórkostlegt mark beint úr hornspyrnu í fyrri hálfleik.
Egypska knattspyrnusambandið hefur staðfest að Salah mun ekki taka þátt í næsta leik, sem er á útivelli gegn Swaziland á þriðjudaginn.
Salah hefur því verið sendur aftur heim til Liverpool þar sem hann mun undirgangast frekari rannsóknir. Það er ólíklegt að meiðslin séu alvarleg og gæti Salah verið klár í slaginn fyrir næsta deildarleik sem er gegn Huddersfield eftir viku.
Salah skoraði 44 mörk fyrir Liverpool á síðasta tímabili en hefur ekki fundið taktinn eftir að hafa meiðst í úrslitaleik Meistaradeildarinnar fyrir hálfu ári.
Athugasemdir