Aubameyang með þrennu á 10 mínútum
Arsenal spilaði við enska utandeildarliðið Boreham Wood í dag í fyrsta leik Spánverjans Unai Emery.

Það var Pierre-Emerick Aubameyang sem skoraði fyrsta markið í stjórnartíð Emery en það kom eftir sjö mínútur. Tíu mínútum síðar var Aubameyang búinn að fullkomna þrennu sína. Frábær fyrsti leikur á þessu undirbúningstímabili hjá Aubameyang.

The first goal of the @UnaiEmery_ era has arrived - and it's pure 🔥 from @Aubameyang7#UnaiBegins pic.twitter.com/LHuyMT6Smz

— Arsenal FC (@Arsenal) July 14, 2018

Reiss Nelson og Alexandre Lacazette bættu við mörkum fyrir leikhlé og var staðan 5-0 þegar flautað var til hálfleiks.

Arsenal skipti út öllu liðinu sínu í hálfleik en í seinni hálfleiknum bætti Lundúnaliðið við þremur mörkum. Eddie Nketiah, Jeff Reine-Adelaide og Henrikh Mkhitaryan skoruðu mörkin.

Sokratis Papastathopoulos og Matteo Guendouzi spiluðu sinn fyrsta leik fyrir Arsenal í dag.

Byrjunarlið Arsenal: Cech, Bellerin, Sokratis, Mavropanos, Osei-Tutu, Maitland-Niles, Willock, Smith Rowe, Aubameyang, Lacazette, Nelson.

Markalaust hjá Liverpool - Karius pirraður
Liverpool spilaði við Bury úr D-deildinni og þar var niðurstaðan markalaust jafntefli.

Loris Karius, sem hefur verið í vandræðum á undirbúningstímabilinu, spilaði klukkutíma í markinu hjá Liverpool, en hann virtist pirraður í dag þar sem áhorfendur stríddu honum í hvert skipti sem hann fékk boltann. Alltaf þegar Karius fékk boltann heyrðist „woahhhhhhhh" úr stúkunni.

Byrjunarlið Liverpool: Karius, Clyne, Matip, Van Dijk, Moreno, Milner, Fabinho, Ojo, Jones, Sturridge, Origi.

Loris Karius isn’t happy after the crowd sarcastically cheer “woahhhhhhhhhhhhhhh” every time he gets the ball. #LFC

— Anfield Edition (@AnfieldEdition) July 14, 2018