Indriði Áki sneri aftur til Fram fyrir síðasta tímabil og átti frábært sumar í ósigruðu liði Fram í Lengjudeildinni. Hann hjálpaði liðinu að komast upp í efstu deild.

Alls hefur Indriði Áki leikið 87 leiki fyrir Fram og skorað í þeim 13 mörk en hann lék áður með Fram árin 2015-2017.

„Knattspyrnudeild Fram fagnar því hafa Indriða Áka áfram í sínum röðum og bindur miklar vonir við hann á komandi árum," segir í tilkynningu Framara.

Tvíburabróðir Indriða, Alexander Már, spilar einnig með Fram og hann gerði nýjan samning við þá bláu í upphafi mánaðarins.