KH, sem sýndi flotta takta í sumar, verður með nýjan þjálfara næsta sumar, því Arnar Steinn Einarsson, sem stýrði liðinu ásamt Ingólfi Sigurðssyni í sumar, mun núna stíga til hliðar. Hann mun snúa sér að öðrum verkefnum eftir að hafa þjálfað liðið undanfarin tvö tímabil með frábærum árangri.

„Arnari Steini er þakkað fyrir frábært framlag sitt til félagsins, fyrst sem leikmaður og nú sem þjálfari. Engin hætta er á öðru en að Arnar Steinn verði félaginu innan handar í nánustu framtíð," segir í fréttatilkynningu frá KH.

Óljóst er hvort Ingólfur Sigurðsson, sem þjálfaði liðið með Arnari ásamt því að vera lykilmaður í liðinu, verði áfram sem þjálfari.

„Við þökkum kærlega fyrir okkur í sumar og getum ekki beðið eftir að byrja að nýju. Lokahóf félagsins verður haldið hátíðlega um næstu helgi. Áfram KH!"