Heimild: Íslendingavaktin
Ragnar Sigurðsson er í úrvalsliði 20. umferðar rússnesku deildarinnar hjá WhoScored sem gefur leikmönnum einkunnir miðað við tölfræði þeirra í hverjum leik.
Ragnar fékk 8.1 í einkunn fyrir sinn þátt og eru aðeins tveir leikmenn í liði vikunnar með hærri einkunn.
Ragnar er fastamaður í liði Rostov og vann liðið góðan 0-2 sigur á Rubin Kazan um helgina. Björn Bergmann Sigurðarson var einnig í byrjunarliði Rostov í leiknum.
Viðar Örn Kjartansson er einnig á mála hjá Rostov en hann var lánaður til Hammarby á dögunum. Þá var Sverrir Ingi Ingason seldur frá félaginu í janúar.
Sigurinn kom Rostov upp í sjötta sæti deildarinnar þar sem liðið situr með 29 stig.
Athugasemdir