Þróttur vann öflugan sigur á Grindavík í kvöld þegar 7. umferð Lengjudeildarinnar leið undir lok.
Lestu um leikinn: Þróttur R. 2 - 0 Grindavík
„Svolítið eins og ég bjóst við. Grindavík eru mjög erfiðir að brjóta, þeir eru búnir að tapa einum leik af fyrstu sex og fá bara á sig sjö mörk" sagði Sigurvin ÓIafsson þjálfari Þróttara eftir sigurinn í kvöld.
„Við vorum fannst mér með yfirhöndina en enga yfirburði. Það var mjög kærkomið að ná þessu fyrsta marki og þá þurftu þeir aðeins að stíga upp og við náðum að refsa þeim í seinni hálfleik til þess að klára þetta"
Þróttur fékk fleiri færi í leiknum og hefði í sjálfu sér ekki verið ósanngjarnt að þeir hefðu unnið leikinn stærra.
„Þeir fá reyndar algjört dauðafæri í stöðunni 1-0 sem að Laddi bjargaði stórkostlega einn á móti markmanni. Þá hefði leikmyndin gjörbreyst"
„Vissulega hefði ég vilja sjá fleiri mörk en þrjú stig og áfram með lífið"
Sigrarnir næra og þessi sigur gefur liði Þróttara mikið eftir að hafa hikstað í síðustu umferðum.
„Þú getur alltaf misst stig og maður fer ekki með eintóma sigurleiki í gegnum mótið en það er ákveðin kúnst að díla við töp"
„Þetta er bara ótrúlega hollt fyrir okkur einmitt sem erum í Þrótti þetta árið með væntingar og pressu að eiga vera góðir. Þá eru töpin einhvernveginn ennþá meira sjokk"
„Við þurftum svolítið að átta okkur á því að það er bara fullt af öðrum góðum liðum í þessari deild og þó okkur þykir við vera góðir þá verðum við að bera virðingu fyrir því að það er ekki nóg að mæta bara á völlinn. Það þarf að leggja sig allan fram og fótboltinn breytist ekkert þó að ég kaupi einhverja menn eða við spilum með ákveðnum hætti. Það þarf alltaf að vinna grunngildin og við fundum þau í dag" sagði Sigurvin Ólafsson.
Nánar er rætt við Sigurvin Ólafsson í spilaranum hér fyrir ofan.
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Þróttur R. | 8 | 5 | 1 | 2 | 19 - 10 | +9 | 16 |
| 2. Afturelding | 8 | 5 | 1 | 2 | 23 - 15 | +8 | 16 |
| 3. HK | 8 | 5 | 0 | 3 | 16 - 14 | +2 | 15 |
| 4. Fylkir | 8 | 5 | 0 | 3 | 13 - 11 | +2 | 15 |
| 5. Vestri | 8 | 4 | 1 | 3 | 16 - 16 | 0 | 13 |
| 6. Leiknir R. | 8 | 3 | 3 | 2 | 11 - 10 | +1 | 12 |
| 7. Grótta | 7 | 4 | 0 | 3 | 14 - 15 | -1 | 12 |
| 8. Njarðvík | 8 | 3 | 2 | 3 | 11 - 7 | +4 | 11 |
| 9. Grindavík | 7 | 1 | 4 | 2 | 7 - 9 | -2 | 7 |
| 10. Ægir | 8 | 2 | 1 | 5 | 9 - 14 | -5 | 7 |
| 11. ÍR | 8 | 2 | 1 | 5 | 16 - 22 | -6 | 7 |
| 12. Völsungur | 8 | 0 | 2 | 6 | 5 - 17 | -12 | 2 |
