Ibrahima Konate er með nokkur tilboð frá Sádi-Arabíu en þetta segir Fabrizio Romano á X.
Þessi 27 ára gamli miðvörður yfirgefur Liverpool þegar samningur hans rennur út í næsta mánuði.
Félagið tilkynnti þetta á samfélagsmiðlum í gær og sendi Frakkinn frá sér hjartnæma kveðju til stuðningsmanna í kjölfarið.
Romano segir að Konate muni hafa úr mörgum tilboðum að velja, en hann er þegar kominn með nokkur frá Sádi-Arabíu sem hann er að skoða.
Real Madrid hafði áhuga á að fá hann í nóvember en stöðvaði viðræður af virðingu við Liverpool.
Paris Saint-Germain hefur einnig verið nefnt en varnarmaðurinn er fæddur og uppalinn í París og lék með unglingaliðum Paris FC.
