Mikaela Nótt Pétursdóttir spilar ekki meira með Breiðabliki í sumar en hún greindi frá því á Instagram að hún ætti von á barni ásamt kærasta sínum Óliver Steinari Guðmundssyni.
Mikaela er fædd árið 2004 en hún er uppalin hjá Haukum þar sem Óliver kærasti hennar spilar í dag.
Hún gekk til liðs við Blika frá Val árið 2023 en spilaði með Keflavík á láni það sumar. Þá spilaði hún með FHL á láni síðasta tímabili.
Hún á 33 landsleiki að baki fyrir yngri landslið Íslands.
