Niklas Sule, varnarmaður Dortmund, hefur tilkynnt að hann muni leggja skóna á hilluna eftir tímabilið aðeins 30 ára að aldri.
Sule, sem er aðeins þrítugur, meiddist á hné í leik með Dortmund gegn Hoffenheim í síðasta mánuði og var óttast um að hann hafi slitið krossband í þriðja sinn á ferlinum. Það kom í ljós að meiðslin voru ekki svo alvarleg.
Sule, sem er aðeins þrítugur, meiddist á hné í leik með Dortmund gegn Hoffenheim í síðasta mánuði og var óttast um að hann hafi slitið krossband í þriðja sinn á ferlinum. Það kom í ljós að meiðslin voru ekki svo alvarleg.
Hann sagði frá ákvörðun sinni í hlaðvarpsþætti. Þar talaði hann einnig um meiðslin gegn Hoffenheim.
„Læknirinn var að skoða mig inn í klefa og horfði á sjúkraþjálfarann og hristi höfuðið, sjúkraþjálfarinn gerði það sama. Ég fór í sturtu og grét í tíu mínútur. Ég hugsaði þarna: Það er slitið," sagði Sule.
Sule kom inn á sem varamaður í blálokin í 3-2 sigri Dortmund gegn Frankfurt í gær en það gæti hafa verið síðasti leikurinn hans á ferlinum. Dortmund heimsækir Werder Bremen þann 16. maí í síðustu umferð þýsku deildarinnar.
