Alexander-Arnold og Gomez byrja
Alexander-Arnold fær tækifæri í byrjunarliðinu ásamt Joe Gomez.
Sviss og England mætast í úrslitaleik um 3. sæti Þjóðadeildarinnar. Spilað er á Estadio D. Afonso Henriques í Guimaraes.
Byrjunarliðin hafa verið staðfest og gerir Gareth Southgate sjö breytingar frá síðasta leik. Svisslendingar gera tvær breytingar.
Trent Alexander-Arnold og Joe Gomez koma inn í varnarlínuna ásamt Danny Rose. Þá koma Dele Alli og Eric Dier inn á miðjuna og Jesse Lingard og Harry Kane í sóknina.
Svisslendingar breyta um taktík og skipta í fimm manna varnarlínu. Bruno Fernandes og Nico Elvedi koma inn í byrjunarliðið fyrir kantmennina Steven Zuber og Denis Zakaria.
Sviss tapaði 3-1 fyrir heimamönnum í Portúgal í undanúrslitum. Svisslendingar komust í úrslitakeppnina með 5-2 sigri gegn Belgíu og tveimur sigrum gegn Íslandi.
England tapaði 3-1 eftir framlengingu gegn Hollandi í undanúrslitum eftir að hafa unnið sterkan riðil með Spáni og Króatíu.
Sviss: Sommer, Schär, Akanji, Elvedi, Mbabu, Rodriguez, Freuler, Xhaka, Fernandes, Shaqiri, Seferovic
England: Pickford, Alexander-Arnold, Gomez, Maguire, Rose, Dier, Delph, Dele, Lingard, Sterling, Kane
Athugasemdir
