HK fékk verðugt verkefni í 16-liða úrslitum Mjólkurbikarsins í kvöld. Í Kórinn mætti Víkingur R. Leiknum endaði með 2-0 sigri gestana sem þýðir að bikargöngu HK er lokið þetta tímabilið.
Gunnar Heiðar var tapsár en stoltur af liði sínu eftir þennan leik sem Lengjudeildarlið gegn Íslandsmeisturum.
Lestu um leikinn: HK 0 - 2 Víkingur R.
„Sagði það í síðasta viðtali, maður er í þessu til að vinna. Alveg sama hvaða liði við erum að mæta."
HK fór með 0-0 stöðu í hálfleik og ekki annað hægt en að sjá það jákvæða í því.
„Planið okkar gekk eiginlega, næstum því, hér um bil upp. Við reyndum og ég er ánægður með attitudeið í strákunum, work ethicið frábært. Bara allt virkilega jákvætt fyrir utan náttúrulega að fá þessi mörk á okkur."
„Það dróg kannski aðeins úr okkur, við vorum ekki þessu einu skrefi nær þeim í sumum tilvikum. En við vorum að mæta Íslandsmeisturunum hérna og þeir unnu síðasta leik 6-0."
HK er því dottið úr bikarnum en allir fókus getur þá verið settur á Lengjudeildinna þar sem markmið liðsins eru há.
„Ég sagði einmitt við strákana, að þetta væri nýji núll punkturinn. Búnir að stíga upp í því sem við þurftum að gera betur. Þetta á bara eftir að verða betra og betra. Finn það líka á öllum hópnum að þeir eru til í þetta og hungraðir í góðan árangur."
Næsti leikur er í Lengjudeildinni og gegn Njarðvík en Gunnar Heiðar þjálfaði Njarðvík á síðustu leiktíð.
„Ég er spenntur fyrir öllum leikjum. Mér finnst deildin ógeðslega skemmtileg, unpredictible (ófyrirsjáanleg) og allir geta unnið alla. Ef maður er ekki á deginum sínum þá verður þér bara rasskellt alveg sama hvaða sæti hitt liðið er í. Ef allir eru ON IT þá eigum við góðan möguleika á að vinna hvort það sé Njarðvík eða eitthvað annað lið skiptir mig engu máli. Við ætlum að koma og vinna þá hér i Kórnum."
Viðtalið má sjá í heild sinni hér í spilaranum að ofan
