Steve Howey, sem spilaði sem varnarmaður hjá Newcastle fyrir aldamót, hefur tjáð sig um stöðu mála hjá stjörnusóknarmanninum Alexander Isak.
Liverpool er meðal félaga sem vilja fá Isak en í gær bárust fréttir af því að leikmaðurinn hefði tjáð Newcastle það að hann vilji yfirgefa félagið í sumar.
Liverpool er meðal félaga sem vilja fá Isak en í gær bárust fréttir af því að leikmaðurinn hefði tjáð Newcastle það að hann vilji yfirgefa félagið í sumar.
„Hvar vill hann vera? Hann er hjá félagi þar sem hann er dýrkaður og dáður, hann fær algjör topplaun. Liðið vann titil á síðasta tímabili og er í Meistaradeildinni. Það þyrfti að vera eitthvað mjög stórt til að yfirgefa þetta. Mestu vonbrigðin er óheppileg tímasetning, að þetta sé að gerast núna svona stuttu fyrir mót," segir Howey í viðtali við breska ríkisútvarpið í Newcastle.
„Ef hann vildi fara þá hefði hann átt að láta vita af þessu fyrr svo Newcastle gæti gert ráðstafanir. Maður skilur pirring stuðningsmanna. Þetta setur menn í vonda stöðu. Staða Isak gagnvart stuðningsmönnum hefur hrapað. Vonandi skýrist staðan sem fyrst svo félagið geti brugðist við og sótt einn eða tvo sóknarmenn áður en tímabilið hefst."
Athugasemdir
