Brasilíski miðjumaðurinn Douglas Luiz vill ólmur fara frá Juventus. Hann er óánægður í ítalska boltanum og vill skipta aftur yfir til Englands.
Hann er staðráðinn í að fara sem fyrst svo hann skrópaði á æfingu hjá Juventus í gær. Fabrizio Romano greindi frá því og að leikmaðurinn verður sektaður fyrir þessa heðgun sína.
Luiz var lykilmaður í sterku uppgangsliði Aston Villa yfir nokkurra ára skeið þar til hann var seldur til Juventus í fyrra.
Hann stóðst engan veginn væntingar á sínu fyrsta tímabili með Juve og heimtar núna að vera seldur. Félagið vill selja en er ekki reiðubúið til að gefa afslætti í ljósi mikils áhuga.
Everton og West Ham United hafa verið nefnd til sögunnar sem áhugasöm félög.
Luiz er 27 ára gamall og kom aðeins við sögu í 27 leikjum með Juve á síðustu leiktíð, oftast inn af varamannabekknum.
Athugasemdir
