Frederik með grímuna.
Verið einn besti markmaður Bestu deildarinnar frá komu sinni 2022.
„Þetta er ekki það svalasta, ég verð að viðurkenna það. Ég myndi gjarnan vera án hennar," segir Frederik Schram, markmaður Vals, við Fótbolta.net.
Hann hefur í undanförnum tveimur leikjum spilað með andlitsgrímu þar sem hann fékk högg á andltiið í lok leiks gegn Flora Tallinn fyrir átta dögum síðan. Hann gat ekki spilað síðustu mínúturnar gegn Flora en hefur spilað síðustu tvo leiki. Hann var maður leiksins gegn Kauno Zalgiris í 2. umferð forkeppninnar í Sambandsdeildinni í gær, liðin spiluðu í Kaunas í gær, 1-1 lokatölur og liðin mætast á Hlíðarenda næsta fimmtudag í seinni leiknum.
Frederik ræddi við Fótbolta.net um grímuna og hvernig sé að spila með hana.
Hann hefur í undanförnum tveimur leikjum spilað með andlitsgrímu þar sem hann fékk högg á andltiið í lok leiks gegn Flora Tallinn fyrir átta dögum síðan. Hann gat ekki spilað síðustu mínúturnar gegn Flora en hefur spilað síðustu tvo leiki. Hann var maður leiksins gegn Kauno Zalgiris í 2. umferð forkeppninnar í Sambandsdeildinni í gær, liðin spiluðu í Kaunas í gær, 1-1 lokatölur og liðin mætast á Hlíðarenda næsta fimmtudag í seinni leiknum.
Frederik ræddi við Fótbolta.net um grímuna og hvernig sé að spila með hana.
Lestu um leikinn: Zalgiris 1 - 1 Valur
„En hún verndar nefið og er nauðsynleg í nokkrar vikur, kannski mánuð í viðbót."
„Ég fékk olnboga beint á nefið og heyrði strax brakhljóð. Og þegar blóðið fór að renna út úr nefinu og niður hálsinn, þá vissi ég að þetta væri ekki alveg í lagi."
„Sem betur fer komst ég fljótt að hjá sérfræðingi eftir að við lentum á Íslandi. Þetta er frekar einfalt beinbrot og þa er ekki hættulegt fyrir mig að spila í þessu ástandi," segir Frederik.
Hann verður að öllum líkindum aftur í eldlínunni á sunnudag þegar FH kemur í heimsókn á N1 völlinn að Hlíðarenda í 16. umferð Bestu deildarinnar.
Frederik sneri aftur til Vals í vor eftir að hafa farið til Roskilde í Danmörku síðasta sumar. Frederik hefur verið einn allra besti markmaður Bestu deildarinnar frá því að hann kom til Íslands sumarið 2022. Hann er þrítugur og á að baki sjö A-landsleiki.
Athugasemdir
