Dagný Rún Pétursdóttir bætti öðru marki Víkings við undir lok fyrri hálfleiks eftir sendingu frá Lindu Líf Boama.

Seint í seinni hálfleik fékk Stjarnan vítaspyrnu þegar brotið var á Gyðu Kristínu Gunnarsdóttur. Hún steig sjálf á punktinn og skoraði og minnkaði þar með muninn.

Linda Líf gat innsiglað sigurinn í blálokin en Vera Varis varði glæsilega frá henni. Það kom ekki að sök fyrir Víking sem fór með sigur af hólmi.

Víkingur er í 9. sæti með tíu stig, tveimur stigum á eftir Stjörnunni sem er í 8. sæti.

FH gat jafnað Þrótt að stigum í 2. sæti deildarinnar með sigri gegn Fram.

Maya Lauren Hansen kom FH yfir snemma leiks. FH fékk síðan vítaspyrnu og Maya steig á punktinn og skoraði annað mark FH og annað mark sitt.

FH var með yfirhöndina í seinni hálfleik en það var Fram sem náði að minnka muninn. Það gerði Murielle Tiernan þegar hún skallaði boltann í netið.

Thelma Karen Pálmadóttir innsiglaði sigur FH þegar hún skoraði með skoti inn á teignum þegar skammt var til loka leiksins.

FH er komið upp fyrir Þrótt í 2. sæti með 25 stig en Fram er áfram í 6. sæti með 15 stig.

Víkingur R. 2 - 1 Stjarnan
1-0 Shaina Faiena Ashouri ('11 )
2-0 Dagný Rún Pétursdóttir ('43 )
2-1 Gyða Kristín Gunnarsdóttir ('82 , víti)
Lestu um leikinn

FH 3 - 1 Fram
1-0 Maya Lauren Hansen ('10 )
2-0 Maya Lauren Hansen ('37 , víti)
2-1 Murielle Tiernan ('81 )
3-1 Thelma Karen Pálmadóttir ('90 )
Lestu um leikinn