Ágúst Eðvald Hlynsson.
Ágúst Eðvald Hlynsson er að ganga í raðir Vestra frá AB í Danmörku. Orri Rafn Sigurðarson sagði frá þessu á X og samkvæmt heimildum Fótbolta.net er þetta frágengið og verður tilkynnt á næstu dögum.
Vestri missti Daða Berg Jónsson aftur í Víking á dögunum og kemur Ágúst til með að fylla það skarð sem hann skilur eftir sig.
Vestri missti Daða Berg Jónsson aftur í Víking á dögunum og kemur Ágúst til með að fylla það skarð sem hann skilur eftir sig.
Ágúst, sem er fæddur árið 2000, er öflugur leikmaður sem getur leyst flestar fremstu stöðurnar á vellinum.
Hann hefur leikið með AB í þriðju efstu deild í Danmörku frá því í fyrra en þar áður spilaði hann með Breiðabliki, Val, FH og Víkingi hér á landi. Hann spilaði einnig með Horsens í Danmörku frá 2020 til 2022.
Alls hefur Ágúst spilað 104 leiki í Bestu deildinni og skorað í þeim 19 mörk.
Vestri er í sjötta sæti Bestu deildarinnar og er á leið í úrslitaleik Mjólkurbikarsins þar sem andstæðingurinn verður Valur.
Vestri eru að styrkja sig og eru að sækja Ágúst Eðvald Hlynsson frá AB. pic.twitter.com/nIxxaF01rr
— Orri Rafn Sigurdarson (@OrriRafn) July 25, 2025
Athugasemdir
