Njarðvík heimsóttu topplið ÍR í sannkölluðum toppslag Lengjudeildarinnar í fjórtándu umferð.
Lestu um leikinn: ÍR 2 - 2 Njarðvík
„Auðvitað svekkjandi, við vildum vinna. Við viljum fara inn í hvern einasta leik til að vinna og mér fannst við vera líklegir til þess að vinna þennan leik" sagði Gunnar Heiðar Þorvaldsson þjálfari Njarðvíkinga eftir leikinn í kvöld.
„Mér fannst við bara vera algjörlega eitt lið hérna í fyrri hálfleik. Við vorum með algjöra stjórn á þessu og þeir eru að renna hérna og bjarga á línu og ég veit ekki hvað og hvað"
„1-0 er nátturlega lítil forysta í fótbolta í dag, það er bara þannig og við vitum það"
„Mér fannst við í fyrri hálfleik bara vinna baráttuna. Við unnum bara barátturnar. Við unnum fyrsta bolta, seinni bolta og svo náðum við að spila okkar leik þegar við náðum boltanum niður og mér fannst við gera hrikalega vel"
„Í seinni hálfleik vorum við ekki nægilega nálægt þeim. Við vorum komnir í að halda að þetta væri komið einhvernveginn og vorum svolítið ólíkir sjálfum okkur. Við vorum bara komnir í einhverja langa bolta og það slitnaði svolítið á milli okkar"
„Þessi mörk hjá þeim eru svolítið í takt við það að við gleymum okkur aðeins. Við erum ekki nógu nálægt eins og þarna með framherjan hjá þeim sem að nær bara að taka boltann og snúa og við erum með tvo varnarmenn í kringum hann sem að við erum ekki nægilega nálægt til þess að stoppa eins og við gerðum í fyrri hálfleik"
„Það eru svona lítil aulaleg mistök eða svona 'blunders' eins og tjallinn myndi segja það sem að gera það að verkum að þeir ná að skapa þessi tvö færi til að skora og það er mjög leiðinlegt og dýrkeypt að fá tvö mörk á sig þegar þeir skjóta bara tvisvar á markið"
Nánar er rætt við Gunnar Heiðar Þorvaldsson í spilaranum hér fyrir ofan.
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
