Böddi löpp.
FH hefur selt vinstri bakvörðinn Böðvar Böðvarsson til Jagiellonia Bialystok í pólsku úrvalsdeildinni.
Jagiellonia Bialystok er í 4. sæti í pólsku úrvalsdeildinni í dag með jafnmörg stig og Lech Poznan og Górnik Zabrze en markatala skilur liðin að. Þessi lið eru öll með 36 stig, tveimur stigum minna en topplið Legia Varsjá.
Jagiellonia Bialystok endaði í öðru sæti í pólsku úrvalsdeildinni á síðasta tímabili og í 3. sæti tímabilið 2014/2015. Liðið er meðal annars með tvo brasilíska leikmenn innanborðs og spilar á 22 þúsund manna velli.
Jagiellonia Bialystok er í 4. sæti í pólsku úrvalsdeildinni í dag með jafnmörg stig og Lech Poznan og Górnik Zabrze en markatala skilur liðin að. Þessi lið eru öll með 36 stig, tveimur stigum minna en topplið Legia Varsjá.
Jagiellonia Bialystok endaði í öðru sæti í pólsku úrvalsdeildinni á síðasta tímabili og í 3. sæti tímabilið 2014/2015. Liðið er meðal annars með tvo brasilíska leikmenn innanborðs og spilar á 22 þúsund manna velli.
Hinn 22 ára gamli Böðvar, oft kallaður Böddi löpp, hefur verið fastamaður í liði FH undanfarin ár en hann hefur skorað eitt mark í 84 deildar og bikarleikjum með liðinu.
Árið 2016 fór Böddi til Midtjylland á láni í þrjá mánuði en hann spilaði ekkert þar. Böddi spilaði fyrr í mánuðinum sinn fjórða landsleik þegar hann kom við sögu gegn Indónesíu.
FH er ekki á flæðiskeri statt með vinstri bakverði þrátt fyrir brotthvarf Bödda en Hjörtur Logi Valgarðsson sneri aftur úr atvinnumennsku síðastliðið haust. Hjörtur Logi hefur reyndar leikið í miðverði í vetur en þá hefur Þórarinn Ingi Valdimarsson einnig spilað í bakverðinum. Annar hvor þeirra fær væntanlega það hlutverk að fylla skarð Bödda.
Knattspyrnudeild FH hefur selt Böðvar Böðvarsson til pólska úrvalsdeildarfélagsins Jagiellonia Bialystok. Við FH-ingar þökkum Bödda fyrir hans frábæra tíma hjá félaginu og óskum honum góðs gengis á nýjum vettvangi. #ViðerumFH #TakkBöddi #fotboltinet pic.twitter.com/bE5ce0e43y
— FHingar.net (@fhingar) January 31, 2018
Athugasemdir
