Ögmundur Kristinsson gerði fína hluti með AEL Larissa í gríska boltanum á nýliðnu tímabili.
Larissa endaði í neðri hluta deildarinnar, með 34 stig í 30 leikjum. Liðið skoraði aðeins 26 mörk á tímabilinu en sem betur fer var Ögmundur öflugur í búrinu til að jafna þetta út. Hann lék alla deildarleikina á tímabilinu og fékk 34 mörk á sig.
Það er ekki mikið hægt að horfa á gríska boltann hér á landi en búið er að setja saman myndband fyrir þá sem vilja sjá markvörslur Ögmundar á tímabilinu.
Myndbandið fylgir hér fyrir neðan og sýnir frá helstu tilþrifum hans í gríska boltanum í vetur.
Athugasemdir