Napoli er með 13 stiga forystu á toppi ítölsku Serie A en liðið vann góðan 2-1 sigur á Roma um síðustu helgi.
Markamaskínan Victor Osimhen kom Napoli yfir en Careca fyrrum leikmaður Napoli og brasilíska landsliðsins hrósaði Osimhen í hástert og sagði að brasilíska goðsögnin Pele hefði verið stoltur að skora svona mark.
Markið var glæsilegt en hann tók á móti fyrirgjöf með bringunni, þaðan fór boltinn af lærinu á honum og á endanum negldi hann boltanum í netið.
„Jafn vel einhver eins og Pele hefði verið stoltur af þessu marki. Þetta mark hjá Osimhen gegn Roma var í Pele stíl, tæknilega var þetta alveg ótrúlegt," sagði Careca.
Markið má sjá hér fyrir neðan.
This Osimhen goal vs Roma has been on repeat all day. Simply superb. ????????????pic.twitter.com/boRDTfRUfq
— EuroFoot (@eurofootcom) January 30, 2023
