Það fór gríðarlega mikið magn af æfingaleikjum fram í evrópska fótboltanum í dag þar sem nokkur lið úr helstu deildunum mættu til leiks.
Brentford gerði jafntefli við Benfica í stórleik kvöldsins, þar sem Bryan Mbeumo tók forystuna fyrir Brentford snemma leiks áður en Vangelis Pavlidis jafnaði á 24. mínútu.
Igor Thiago var ekki í hóp hjá Brentford eftir að hafa meiðst í síðasta æfingaleik liðsins og vonar þjálfarateymi félagsins að meiðslin séu ekki alvarleg.
Hákon Rafn Valdimarsson varði mark Brentford í seinni hálfleiknum og hélt hreinu í honum. Þetta var annar hálfleikurinn sem Hákon spilar fyrir Brentford eftir að hann fékk eitt mark á sig í seinni hálfleik í 5-2 sigri gegn Wimbledon um síðustu helgi.
Como lagði þá Cagliari að velli þar sem Patrick Cutrone og Andrea Belotti skoruðu í góðum sigri undir stjórn Cesc Fábregas.
Hertha Berlin tapaði þá gegn Huddersfield og gerði jafntefli við Cardiff á meðan Real Sociedad og Borussia Mönchengladbach unnu sína leiki.
Benfica 1 - 1 Brentford
0-1 Bryan Mbeumo ('8)
1-1 Vangelis Pavlidis ('24)
Cagliari 1 - 3 Como
Huddersfield 2 - 1 Hertha Berlin
Hertha Berlin 1 - 1 Cardiff
Gamba Osaka 0 - 1 Real Sociedad
Granada 1 - 1 Las Palmas
B. Mönchengladbach 3 - 1 Fortuna Sittard
HSV 0 - 0 Aris
Athugasemdir
