Oliver McBurnie, betur þekktur sem Oli McBurnie, er búinn að skrifa undir þriggja ára samning við spænska félagið Las Palmas.
McBurnie gengur til liðs við Las Palmas á frjálsri sölu eftir að hafa runnið út á samningi hjá Sheffield United í sumar.
McBurnie er 28 ára framherji sem skoraði 6 mörk og gaf 3 stoðsendingar í 21 úrvalsdeildarleik með Sheffield á síðustu leiktíð.
Hann var meðal betri framherja Championship deildarinnar þegar hann lék þar en tókst ekki að gera frábæra hluti í úrvalsdeildinni. Það verður áhugavert að fylgjast með McBurnie á Spáni.
Las Palmas endaði sjö stigum fyrir ofan fallsæti á síðustu leiktíð í LaLiga.
Til gamans má geta að Las Palmas var einnig að krækja í Adnan Januzaj, fyrrum kantmann Manchester United, á láni frá Sevilla.
¡Oli McBurnie, nuevo jugador de la UD Las Palmas!
— UD Las Palmas (@UDLP_Oficial) July 25, 2024
???? https://t.co/Vha924ZHwJ
¡Bienvenido, @oli_mcburnie! ????????#PíoPío #75AniversarioUD#LaUniónHaceLasPalmas #LaUniónDePorVida pic.twitter.com/3kGpBJeDzP
Athugasemdir
