,,Það var mikið vinnuframlag í dag og þetta var frábær sigur," sagði Ágúst Þór Gylfason þjálfari Fjölnis við Fótbolta.net eftir 1-0 sigur liðsins á Leikni R. í kvöld.

Skemmtanagildið var ekki hátt í leiknum í kvöld en afar fá færi litu dagsins ljós.

,,Það hafa oft verið markasúpur á móti Leikni en þetta er engu að síðu góður sigur. Þetta var barningur og læti. Bæði lið seldu sig dýrt og spiluðu varnarleikinn mjög vel. Þeir sem hafa vit á fótbolta fengu góðan varnarleik."

Fjölnismenn hafa verið á fínni siglingu að undanförnu og eru nú í fjórða sæti deildarinnar eftir erfiða byrjun í sumar.

,,Menn eru búnir að taka meiri ábyrgð. Við erum búnir að breyta taktíkinni smá og strákarnir smellpassa inn í þetta."

Hér að ofan má sjá viðtalið í heild sinni.

STUÐNINGSSVEIT
FÓTBOLTA.NET

Komdu í hópinn!

Sífellt fleiri lesendur styrkja rekstur Fótbolta.net með mánaðarlegum greiðslum.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit