Mirror fjallar um það að vel hafi verið horft á leik Manchester City og Arsenal í ensku úrvalsdeildinni í gær.
Enska úrvalsdeildin byrjaði aftur að rúlla í gær eftir langt hlé vegna kórónuveirufaraldursins. Aston Villa og Sheffield United gerðu markalaust jafntefli, og þá vann Manchester City þægilegan sigur á Arsenal.
Leikið er fyrir luktum dyrum og því horfa fleiri fótboltaáhugamenn á leikina heima í stofu. Sky Sports sýndi leik Man City og Arsenal í gær og voru áhorfstölurnar með hæsta móti.
Sagt er að 3,4 milljónir hafi horft á leikinn á Sky Sports sem er nýtt met hjá stöðinni þegar kemur að leik í ensku úrvalsdeildinni, leik þar sem vinælustu liðin - Liverpool og Manchester United - eru ekki að spila í.
Það er Síminn Sport sem sýnir leiki ensku úrvalsdeildarinnar hér á landi, en tveir leikir verða í dag.
Leikir dagsins:
17:00 Norwich - Southampton (Síminn Sport)
19:15 Tottenham - Man Utd (Síminn Sport)
Athugasemdir