Þær risastóru fréttir bárust á föstudag að 15 stig voru dregin af ítalska stórliðinu Juventus. Félagið er undir rannsókn vegna alvarlegra fjársvika þar sem svindlað hefur verið í bókhaldi og leikmönnum greitt svart.
Ítalskir fjölmiðlar tala um að enn fleiri stig gætu verið dregin af liðinu. Íþróttafréttakonan Susy Campanale segir að þetta sé aðeins upphafið og telur að fleiri félög gætu farið undir kastljósið.
„Ef þú heldur að Juve sé eina félagið sem hefur farið framhjá reglum þá skjátlast þér. Félagið hefur auk þess verið í viðskiptum við önnur félög sem voru meðvituð um hvernig málin gengu fyrir sig, félög eins og Atalanta, Sassuolo og Barcelona," segir Campanale.
Þessi stigafrádráttur hefur gert það að verkum að Juventus hrapaði úr þriðja sæti deildarinnar. Liðið gerði 3-3 jafntefli við Atalanta í gær og situr nú í níunda sæti, fjórtán stigum frá Meistaradeildarsæti.
„Manni líður eins og það sem maður hefur afrekað sé tekið frá manni," sagði Massimiliano Allegri, stjóri Juventus, eftir leikinn í gær. „Ég veit ekki hvort við getum náð Meistaradeildarsæti. En við erum ekki bara í deildinni, það er bikarinn og Evrópudeildin líka. Liðið verður bara að hugsa út í það sem það getur haft áhrif á. Það er bara eitt skref í einu og ómögulegt að vita hvað framtíðin ber í skauti sér."
Andrea Agnelli, fyrrum forseti Juventus, sagði af sér ásamt allri stjórninni í nóvember þegar þeir vissu hvað væri í aðsigi. Agnelli, og fleiri stjórnarmenn, hafa verið dæmdir í tveggja ára bann frá aðkomu að fótbolta.
Stöðutaflan
Ítalía
Serie A - karlar
L | U | J | T | ms: | mf: | mun | Stig | ||
---|---|---|---|---|---|---|---|---|---|
1 | Inter | 33 | 27 | 5 | 1 | 79 | 18 | +61 | 86 |
2 | Milan | 33 | 21 | 6 | 6 | 64 | 39 | +25 | 69 |
3 | Juventus | 33 | 18 | 10 | 5 | 47 | 26 | +21 | 64 |
4 | Bologna | 33 | 17 | 11 | 5 | 48 | 26 | +22 | 62 |
5 | Roma | 33 | 17 | 7 | 9 | 59 | 39 | +20 | 58 |
6 | Atalanta | 32 | 16 | 6 | 10 | 59 | 37 | +22 | 54 |
7 | Lazio | 33 | 16 | 4 | 13 | 42 | 35 | +7 | 52 |
8 | Napoli | 33 | 13 | 10 | 10 | 50 | 41 | +9 | 49 |
9 | Fiorentina | 32 | 13 | 8 | 11 | 45 | 36 | +9 | 47 |
10 | Torino | 33 | 11 | 13 | 9 | 31 | 29 | +2 | 46 |
11 | Monza | 33 | 11 | 10 | 12 | 35 | 43 | -8 | 43 |
12 | Genoa | 33 | 9 | 12 | 12 | 35 | 40 | -5 | 39 |
13 | Lecce | 33 | 8 | 11 | 14 | 30 | 48 | -18 | 35 |
14 | Cagliari | 33 | 7 | 11 | 15 | 36 | 56 | -20 | 32 |
15 | Verona | 33 | 7 | 10 | 16 | 31 | 44 | -13 | 31 |
16 | Frosinone | 34 | 7 | 10 | 17 | 43 | 63 | -20 | 31 |
17 | Empoli | 33 | 8 | 7 | 18 | 26 | 48 | -22 | 31 |
18 | Udinese | 33 | 4 | 16 | 13 | 31 | 50 | -19 | 28 |
19 | Sassuolo | 33 | 6 | 8 | 19 | 39 | 65 | -26 | 26 |
20 | Salernitana | 34 | 2 | 9 | 23 | 26 | 73 | -47 | 15 |
Athugasemdir