Helgi var gríðarlega ánægður með sitt lið
Helgi Sigurðsson, þjálfari Fylkis, var kampakátur eftir 1-1 jafntefli sinna manna gegn KR í næstsíðustu umferð Pepsi-deildar karla. Jafnteflið dugði Fylkismönnum til að tryggja áframhaldandi veru sína í deildinni.
„Þetta er mikill léttir og það er frábært hjá strákunum að koma hérna á KR-völlinn og sýna svona frábæran leik eins og við gerðum. ." sagði Helgi eftir leik.
„Þetta er mikill léttir og það er frábært hjá strákunum að koma hérna á KR-völlinn og sýna svona frábæran leik eins og við gerðum. ." sagði Helgi eftir leik.
Lestu um leikinn: KR 1 - 1 Fylkir
Fylkismenn jöfnuðu leikinn þegar að fimm mínútur voru eftir af leiknum og braust út mikill fögnuður í leikslok.
„Markmiðið í dag var að klára okkar verkefni og sjá til hvað myndi gerast í öðrum leikjum. Þetta er búin að vera þrotlaus vinna síðustu tíu mánuði og strákarnir eiga þetta svo sannarlega skilið."
Helgi vildi ekki staðfesta það 100% hvort að hann myndi halda áfram að þjálfa Fylkisliðið eftir tímabilið.
„Það á nú bara eftir að koma í ljós og það skiptir ekki öllu máli. Ég er mjög sáttur í Árbænum en maður veit svosem aldrei í þessum þjálfarabransa hvað verður." sagði Helgi að lokum.
Athugasemdir
