þri 06. maí 2008 08:00
Hafliði Breiðfjörð
Spá Fótbolta.net í Landsbankadeild karla - 5. sæti
Sérfræðingar Fótbolta.net spá því að Breiðablik verði í 5. sæti Landsbankadeildarinnar í sumar. Sextán sérfræðingar spá í deildina fyrir okkur þetta árið en þeir raða liðunum upp í röð og það lið sem er í efsta sæti fær 12 stig, annað sæti 11 og svo koll af kolli niður í tólfta sæti sem gefur eitt stig. Breiðablik fékk 130 stig út úr þessu.



Sérfræðingarnir sem spáðu eru:
Atli Eðvaldsson fyrrverandi landsliðsþjálfari,  Benedikt Bóas Hinriksson blaðamaður á DV, Bjarni Jóhannsson þjálfari Stjörnunnar, Guðlaugur Baldursson þjálfari ÍR,  Henry Birgir Gunnarsson blaðamaður á Fréttablaðinu, Hörður Magnússon íþróttafréttamaður á Stöð 2 Sport, Jesper Tollefsen þjálfari Víkings,  Luka Kostic þjálfari U21 árs landsliðsins, Magni Fannberg þjálfari Fjarðabyggðar, Magnús Gylfason aðstoðarþjálfari U21 árs landsliðsins, Margrét Lára Viðarsdóttir Íþróttamaður ársins 2007, Ólafur Jóhannesson landsliðsþjálfari Íslands, Pétur Pétursson aðstoðarlandsliðsþjálfari,  Valtýr Björn Valtýsson íþróttafréttamaður á RÚV, Víðir Sigurðsson blaðamaður á Morgunblaðinu, Þorlákur Árnason yfirþjálfari yngri flokka Stjörnunnar.

Hvað segir Guðlaugur?
Guðlaugur Baldursson er sérstakur álitsgjafi okkar um Landsbankadeild karla. Guðlaugur er þjálfari ÍR sem leikur í 2. deildinni og gerði liðið að Reykjavíkurmeisturum fyrr í vetur. Hann hefur áður þjálfað ÍBV í Landsbankadeildinni.

Hér að neðan má sjá álit Guðlaugs á Breiðablik.

Um Breiðablik:
Breiðablik náði mjög góðum árangri í fyrra og virðast vera með sterkara lið ef eitthvað er núna. Þeir hafa spilað flottan bolta í vorleikjunum. Blikar fengu frábæra viðbót í Marel sem getur reynst þeim gríðarlega mikilvægur ef hann verður heill og spilar. Ég tel að Breiðablik verði í baráttunni í efri hluta deildarinnar.

Styrkleikar:
Helsti styrkur Breiðabliks er að þeir eru með mjög öfluga sóknarleikmenn og eiga að geta gert fullt af mörkum. Það er líka styrkur að þeir halda nánast óbreyttum hóp, allir þeirra lykilmenn eru enn á staðnum. Það skiptir gríðarlega miklu máli.

Veikleikar:
Ef Breiðablik ætlar að í vera í baráttu um efstu fjögur sætin þá mega þeir ekki lenda í miklum meiðslum eða leikbönnum. Hópurinn er ekki mjög breiður en ef þeir verða heppnir með meiðsli þá eiga þeir að geta blandað sér í toppbaráttuna á fullum krafti því fá lið eru með betra byrjunarlið þegar allir eru til staðar.

Gaman að fylgjast með:
Ég held að það verði mjög gaman að fylgjast með bæði Prince og Marel í sóknarleiknum, þeir eru gríðarlega öflugir sóknarmenn.

Lykilmaður:
Algjör lykilmaður í þeirra leik er Arnar Grétarsson. Þetta fer meira og minna í gegnum hann og ég tel að hann sé heilinn í þeirra leik.


Þjálfarinn:
Ólafur Helgi Kristjánsson þjálfar Breiðablik sitt annað heila tímabil í röð en hann hafði tekið við liðinu á miðju tímabili 2006.  Undanfarin tvö ár lauk Breiðablik tímabilinu í 5. sæti undir stjórn Ólafs. Hann hóf þjálfaraferil sinn hjá AGF í Danmörku þar sem hann var um árabil. Eftir að hann sneri aftur til Íslands tók hann við liði Fram á miðju sumri 2004 og bjargaði liðiu frá falli það ár en árið eftir stýrði hann svo liðinu aftur en þá féll Fram. Ólafur gerði það gott sem leikmaður á einnig en á ferli sínum lék hann með FH og KR hér heima, auk AGF í Danmörku. Hann lék með íslenska landsliðinu á þeim tíma.
 
Líklegt byrjunarlið Breiðabliks í upphafi móts:



Völlurinn:
Breiðablik leikur heimaleiki sína á Kópavogsvelli eins og nágrannar þeirra í HK. Völlinn umlykur hlaupabraut og við hlið hennar er lítil stúka sem tekur 369 áhorfendur. Gengt stúkunni opnaði í fyrrasumar glæsileg stúka sem nú hefur verið yfirbyggð. Önnur áhorfendaaðstaða í kringum völlinn er grasbrekka.
.
.

Stuðningsmenn:
Meðal þekktra stuðningsmanna Breiðabliks eru Gilzenegger, Dr. Gunni, Þórólfur Árnason, Hjálmar Hjálmarsson (grínisti), Kristján Hreinsson skáld.   

Spáin
nr. Lið Stig
1
-
-
2
-
-
3
-
-
4
-
-
5
Breiðablik
130
6
109
7
92
8
85
9
50
10
49
11 Fjölnir 48
12 Grindavík 24


Um félagið

Breiðablik
Stofnað 1950

Titlar:

Aðalbúningur:
Peysa: Græn  / Buxur: Hvítar / Sokkar: Svartir

Varabúningur:
Peysa: Hvít / Buxur: Hvítar / Sokkar: Grænir

Opinber vefsíða:
Breiðablik.is

Vefsíða stuðningsmanna:
Blikar.is



Komnir og farnir
Nýjir frá síðasta sumri:
Marel Baldvinsson úr Molde
Jóhann Berg Guðmundsson frá Englandi
Farnir frá síðasta sumri:
Gunnar Örn Jónsson í KR
Kristján Óli Sigurðsson í Hvöt
Ágúst Þór Ágústsson í Hvöt á láni
Ellert Hreinsson í Stjörnuna á láni
Kári Ársælsson í Stjörnuna á láni
Guðjón Pétur Lýðsson í Stjörnuna
Hlynur Hauksson í ÍA
Komnir til baka úr láni:
Birgir Hrafn Birgisson úr Víking Ólafsvík
Sigurður Heiðar Höskuldsson úr ÍR

Leikmenn Breiðabliks
nr. Nafn Staða
1. Casper Jacobsen Markvörður
2. Árni Kristinn Gunnarsson Varnarmaður
5. Srdjan Gasic Varnarmaður
6. Nenad Petrovic Miðjumaður
7. Kristinn Steindórsson Framherji
8. Arnar Grétarsson Miðjumaður
9. Prince Rajcomar Framherji
10. Magnús Páll Gunnarsson Miðjum/Framh
11. Olgeir Sigurgeirsson Miðjumaður
12. Vignir Jóhannesson Markvörður
13. Steinþór Freyr Þorsteinss Miðjumaðu
15. Guðmann Þórisson Varnarmaður
16. Guðmundur Kristjánsson Miðjumaður
17. Jóhann Berg Guðmundss Miðjumaður
18. Marel Jóhann Baldvinss Framherji
19. Kristinn Jónsson Varnarmaður
21. Nenad Zivanovic Framherji
22. Arnór S. Aðalsteinsson Varnarmaður
23. Alfreð Finnbogason Framherji
26. Haukur Baldvinsson Mðjumaður
28. Finnur Orri Margeirsson Varnar/miðju

Leikir Breiðabliks
Dags: Tími Leikur
10. maí 14:00 ÍA - Breiðablik
15. maí 19:15 Breiðablik - Þróttur
20. maí 20:00 KR - Breiðablik
25. maí 19:15 Breiðablik - Grindavík
1. júní 19:15 Fjölnir - Breiðablik
8. júní 14:00 Valur - Breiðablik
16. júní 19:15 Breiðablik - FH
23. júní 19:15 Fram - Breiðablik
30. júní 19:15 Breiðablik - Keflavík
7. júlí 19:15 Fylkir - Breiðablik
14. júlí 19:15 Breiðablik - HK
20. júlí 19:15 Breiðablik - ÍA
28. júlí 19:15 Þróttur - Breiðablik
6. ágúst 19:15 Breiðablik - KR
11. ágúst 19:15 Grindavík - Breiðablik
17. ágúst 19:15 Breiðablik - Fjölnir
24. ágúst 18:00 Breiðablik - Valur
31. ágúst 18:00 FH - Breiðablik
13. sept 16:00 Breiðablik - Fram
18. sept 17:15 Keflavík - Breiðablik
21. sept 16:00 Breiðablik - Fylkir
27. sept 14:00 HK - Breiðablik

Athugasemdir
banner
banner
banner
banner