Gylfi Þór Sigurðsson átti fínan leik hjá Everton þegar liðið lagði Arsenal að velli í ensku úrvalsdeildinni í dag.
Gylfi fékk nokkur færi til að skora í leiknum en inn fór boltinn ekki hjá Íslendingnum.
Í textalýsingu BBC frá leiknum segir að Gylfi hafi átt sjö skot í leiknum. Hann hafi aldrei átt fleiri skot í einum leik í ensku úrvalsdeildinni.
Squawka greinir jafnframt frá því að Gylfi hafi átt jafnmörg skot og allt Arsenal liðið til samans. Gylfi skapaði líka fjögur færi, meira en nokkur annar á vellinum.
Þetta var þriðji sigur Everton í röð og er liðið núna í níunda sæti, einu stigi frá sjöunda sætinu.
Gylfi Sigurdsson had as many shots (7) as the entire Arsenal team combined at Goodison Park on Sunday afternoon.
— Squawka Football (@Squawka) April 7, 2019
He also created four chances, the most on the pitch. 👍 pic.twitter.com/E1xTimYJGk
Athugasemdir
