Lukaku var ekki viðstaddur á fundinum.

Mynd: EPA

Bayern vann leikinn sannfærandi með tveimur mörkum gegn engu en þetta var þriðji tapleikurinn í síðustu fjórum leikjum hjá Inter.

Leikmenn, þjálfarar og aðrir starfsmenn hittust þá og fóru yfir málin en Romelu Lukaku, sóknarmaður liðsins, er sá eini sem var ekki á staðnum. Hann er í Belgíu í endurhæfingu vegna meiðsla.

Framkvæmdarstjóri Inter ku hafa talað í langan tíma og í kjölfarið stigu fram menn á borð við Samir Handanovic og Nicolo Barella og töluðu við mannskapinn áður en haldið var á æfingu.

Sumir hafa haldið því fram að leikmenn Inter séu ekki í formi en gögin sína annað. Liðið hljóp meira en bæði Bayern Munchen og AC Milan en báðir þessir leikir töpuðust.

Simone Inzaghi er sagður vera rólegur yfir stöðu mála og að það sé nægur tími til að snúa blaðinu við. Inter mætir Torino á heimavelli í Serie A í dag og í kjölfarið kemur leikur gegn Viktoria Plzen í Meistaradeildinni á þriðjudaginn.