Arsenal líklegt til að fá Eze - Arsenal hefur enn ekki náð samkomulagi um Gyökeres - Napoli vill Nunez
   mið 09. júlí 2025 20:46
Guðmundur Aðalsteinn Ásgeirsson
Thun
Varnarmaður Noregs: Í heimsklassa og stendur upp úr hjá Íslandi
Icelandair
EM KVK 2025
Glódís er fyrirliði Íslands og Bayern München.
Glódís er fyrirliði Íslands og Bayern München.
Mynd: Fótbolti.net - Hafliði Breiðfjörð
„Hún er í heimsklassa," sagði Tuva Hansen, varnarmaður norska landsliðsins, við spurningu Fótbolta.net á fréttamannafundi fyrir leik Íslands og Noregs á morgun.

Var hún þá að tala um Glódísi Perlu Viggósdóttur, landsliðsfyrirliða Íslands.

Hansen er liðsfélagi Glódísar hjá Bayern München í Þýskalandi en Glódís er þar fyrirliði.

„Hún er fyrirliði okkar í Bayern og stendur upp úr hjá Íslandi; mér finnst hún þeirra besti leikmaður. Það verður erfitt að mæta henni," sagði Hansen jafnframt við spurningu Fótbolta.net.

Svo bætti hún einnig við:

„Sem manneskja er hún yndisleg."

Leikur Íslands og Noregs fer af stað klukkan 19:00 að íslenskum tíma á morgun. Ísland á ekki möguleika á því að komast áfram eftir að hafa tapað fyrstu tveimur leikjunum á mótinu.
Athugasemdir
banner