Leeds United er að reyna að kaupa miðjumanninn Sean Longstaff úr röðum Newcastle United.
Newcastle hafnaði þriðja tilboðinu frá Leeds í dag, sem hljóðaði upp á 12 milljónir punda.
Longstaff er 27 ára heimamaður sem er uppalinn í Newcastle og hefur spilað 214 leiki fyrir félagið. Hann kom við sögu í 32 leikjum á síðustu leiktíð.
Newcastle er talið vera reiðubúið til að selja leikmanninn en aðeins fyrir rétta upphæð, sem er talin vera um 15 milljónir punda.
Longstaff, sem verður 28 ára í október, er aðeins með eitt ár eftir af samningi sínum við Newcastle.
Athugasemdir
