Leeds lagði í kvöld Derby í leik liðanna í Championship deildinni. Leeds voru heilt yfir betri í leiknum og var niðurstaðan verðskulduð.

Fyrir leikinn var aðalumræðuefnið það að Marcelo Bielsa, stjóri Leeds, hafi látið njósna um Derby County á æfingu liðsins fyrir leik liðanna. Það féll misvel í kramið hjá mönnum.

Leikmenn Leeds létu þetta ekkert trufla sig. Á tuttugustu mínútu komst hinn átján ára Jack Clarke upp hægri vænginn og átti lága fyrirgjöf á Kemar Roofe sem skoraði með föstu skoti á nærstöng. Roofe lék tvo leiki árið 2011 hjá Víking Reykjavík.

Strax í byrjun seinni hálfleiks bættu Leeds við marki þegar að Jack Harrison skoraði eftir að Scott Carson lenti í vandræðum með fyrirgjöf. Fleiri urðu mörkin ekki og er staða Leeds á toppi deildarinnar orðin ansi vænleg.

Hér að neðan má sjá stöðuna í ensku Championship deildinni.