Yaya Sithole átti ömurlega frammistöðu í opnunarleiknum
Yaya Sithole, landsliðsmaður Suður-Afríku, vill líklega gleyma opnunarleiknum gegn Mexíkó sem allra fyrst, en hann átti stóran þátt í markinu sem liðið fékk á sig og var rétt í þessu að fá að líta rauða spjaldið.
Mexíkó hefur verið með mikla yfirburði gegn Suður-Afríku og hæglega getað skorað þrjú til fjögur mörk, en staðan er aðeins 1-0.
Sithole, sem spilar á miðjunni, tapaði boltanum í marki Mexíkó á 9. mínútu og þá var hann að fá reisupassann fyrir örfáum mínútum.
Boltinn kom inn fyrir vörnina og elti Sithole mexíkóska miðjumanninn Brian Gutierrez uppi sem var kominn í gegn. Sithole flæktist í löppunum á Gutierrez og var dómarinn ekki lengi að draga rauða spjaldið úr vasanum.
Mexíkóar vildu fá vítaspyrnu, en brotið átti sér stað fyrir utan teiginn og var því aukaspyrna dæmd. Suður-Afríkumenn manni færri og marki undir þegar rúmur hálftími er eftir af venjulegum leiktíma.
FotMob gefur Sithole 3,9 í einkunn fyrir frammistöðuna og þá fær hann 4,1 á FlashScore.
Sjáðu rauða spjaldið hér
Allir 104 leikirnir á HM verða í beinni á RÚV.
Samfelldar útsendingar frá því síðdegis og fram á nótt.
Kvöldin verða geggjuð í sumar!
