Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   mið 18. maí 2022 19:37
Brynjar Ingi Erluson
Svava Rós skoraði í tólf marka bikarsigri Brann
Svava Rós Guðmundsdóttir
Svava Rós Guðmundsdóttir
Mynd: Brann
Íslenska landsliðskonan Svava Rós Guðmundsdóttir skoraði fyrir Brann sem tryggði sig inn í 16-liða úrslit norska bikarsins með 12-0 sigri á Loddefjord í dag.

Svava, sem kom til Brann frá Bordeaux fyrir tímabilið, byrjaði á bekknum gegn Loddefjord en kom inná sem varamaður á 62. mínútu leiksins.

Fjórtán mínútum síðar gerði hún tíunda mark liðsins áður en Brann bætti við tveimur fyrir leikslok.

Brann er því komið í 16-liða úrslit norska bikarsins en ekki er ljóst hver mótherjinn verður.

Ingibjörg Sigurðardóttir byrjaði þá í vörn Vålerenga sem kjöldró Fart, 9-0. Hún fór af velli í hálfleik i stöðunni 2-0.

Vålerenga er ríkjandi meistari og hefur unnið bikarinn tvö ár í röð.
Athugasemdir
banner
banner
banner
banner