Bojana þjálfari KR var að vonum ósátt með 4-0 tap í kvöld fyrir Val
Það var 1-0 lengi vel, hvað fer svo úrskeiðis?
"Við áttum mjög fínan fyrri hálfleik, seinni hálfleik líka. Svo koma nokkrar mínútur þar sem við misstum einbeitingu og fengum mark númer 2 og þá dettur einbeiting niður. Valur er með mjög gott og sterkt lið. Að lenda 2-0 undir er þetta búið."
Þið spilið góðan varnaleik í fyrri hálfleik en lítið að skapa fram á við, hefuru ekki áhyggjur af því?
"Mér fannst við vera að vinna boltann vel og að réttum stað. Við áttum að nýta það betur og meira. það náði ekki að gerast í þessum leik þannig að við þurfum að vinna í því."
Þannig að mörkin fara vonandi að detta inn?
"Við ætlum að fara safna stigum og vinna leiki. Það er ekki hægt að spila bara vörn, við verðum að sækja og skora mörk til að vinna leiki."
Katrín komin til baka, skiptir það ekki miklu máli fyrir liðið?
"Þetta er mjög gott og jákvætt fyrir liðið. Hún er ekki að koma alveg í toppstandi en hún verður það fyrir næsta leik"
Nánar er rætt við Bojönu um framhaldið og fleira í spilaranum hér að ofan.
Athugasemdir