Ajax og Bayern gerðu 3-3 jafntefli í hörkuleik um toppsæti E-riðils Meistaradeildarinnar fyrr í kvöld.
Hart var barist í leiknum og fengu leikmenn beggja liða að líta rauða spjaldið í síðari hálfleik, í stöðunni 1-1.
Maximilian Wöber fékk fyrra rauða spjaldið fyrir ljóta tæklingu á Leon Goretzka en Thomas Müller var rekinn útaf tæplega tíu mínútum síðar fyrir hrikalegt hættuspark sem opnaði hausinn á Nicolas Tagliafico, leikmanni Ajax.
Tæklingin hans Wöber var ljót en sparkið hans Müller fær skiljanlega alla athyglina í kvöld og er hægt að sjá það með að smella hér.
Dusan Tadic kom Ajax yfir úr vítaspyrnu á 82. mínútu en Bayern kom til baka og var staðan orðin 2-3 á 90. mínútu. Tagliafico, sem var búinn að láta hefta hausinn á sér aftur saman eftir sparkið frá Müller, jafnaði á 95. mínútu en það nægði ekki til að taka toppsætið af Bayern.
Athugasemdir